Репрезентацијата на Франција иако беше главен фаворит за триумф, настапот на Евро 2020 го заврши во осминафиналето каде загуби од Швајцарија по пенал рулетот.
Веднаш по елиминацијата, француските медиуми пишуваат дека атмосферата во соблекувалната на „триколорите“ била катастрофална, а кулминацијата се случила откако Килијан Мбапе го промаши пеналот во петтата серија со кој ја однесе Швајцарија во четвртфиналето.

Додека таткото на Килијан Мбапе беше разочаран, а мајката плачеше, Вероник Рабио која е мајка на Адриен во ложата на трибините се сврте кон нив и почна да го навредува нивниот син.
„Срамота е вака да шутира фудбалер со неговите квалитети. Шутираше прелесно, се надевам дека ќе го научите на памет и затоа што е премногу арогантен“, им рекла Вероник Рабио на родителите на Мбапе.

Потоа, Вероник им се нафрлила и на браќата на Пол Погба кого го обвинила за „киксот“ при постигнувањето на третиот на Швајцарија во 90. минута, а на теренот нејзиниот син Адриен и голманот Уго Лорис се расправаа со фудбалерот на Манчестер јунајтед за неговиот пропуст.

Освен тоа, атмосферата во самата репрезентација беше далеку од идеална и играчите ги игнорираа советите на селекторот Дидие Дешан. Во неколку наврати на натпреварот против Швајцарија можеше да се види дека Кингсли Коман одбива да ја напушти играта. Тој се повреди во првото полувреме, но се оглуши на наредбите од Дешан кој дури во 111 минута успеа да го замени фудбалерот.
– Кингли, ти повеќе нема да играш – му рекол Дешан во паузата помеѓу двете продолженија, но фудбалерот на теренот „издржа“ уште шест минути.