Халилхоџиќ го однесе Мароко на СП во Катар, а сега ќе добие отказ
Вахид Халилхоџиќ во африканските квалификации за пласман на Светското првенство во Катар испиша историја со Мароко, но се поизвесно е дека нема да биде дел од Мундијалот бидејќи му се подготвува отказ.
Причината за евентуалниот отказ е тоа што Халилхоџиќ од репрезентацијата ги избрка најголемите ѕвезди: Хаким Зијех, Абдеразак Хамдалах и Нусаир Мазрауи, а кои мароканската јавност и навивачите бараат тие да се вратат и да бидат дел од селекцијата на Мароко на Мундијалот во Катар.
Поради големиот притисок од јавноста, претседателот на фудбалската федерација на Марокo (ФРМФ), Фузи Лекја, призна дека размислува за смена на Халилхоџиќ.
– Вахид Халилхоџиќ ја има поддршката од ФРМФ, но сепак, ниту тој, ниту јас, ниту некој друг, не сме недопирливи и незаменливи. Работиме напорно да вратиме некои фудбалери играчи во репрезентацијата. Има проблеми кои можат да се поправат и ќе се решат за Мазрауи, Зијех, Хамдалах и други се вратат во репрезентацијата – изјави Лекја.