Неколку владини веб-страници во Црна Гора се погодени од „невиден“ сајбер-напад. Од Владата велат дека се преземени навремени мерки за да се ублажи неговото влијание, пренесува „Ројтерс“.

„Одредени услуги беа привремено исклучени од безбедносни причини, но безбедноста на профилите на граѓаните и компаниите и нивните податоци не е загрозена“, објави на Твитер министерот за јавна администрација Мараш Дукај.

? Crna Gora je od kasno sinoć izložena novoj seriji organizovanih cyber napada na Vladinu informatičku infrastrukturu. Primarna meta je struktura državnih organa.

? Stručnjaci MJU su pravovremeno preduzeli odbrambene mjere.@javnaupravamne @VladaCG @defence_mne #MJU??

— Marash Dukaj (@mdukaj1) August 26, 2022

Дукај вели дека нападот, кој започнал во четвртокот навечер, личи на неколку други кои биле забележани во изминатите неколку години во Црна Гора, а Подгорица веќе ги информирала своите сојузници за ваквите напади.

„Упорен и тековен сајбер-напад е во процес во Црна Гора“, се вели во соопштението на амбасадата на САД во Подгорица. „Нападот може да вклучи прекини во јавните комунални претпријатија, транспортот (вклучувајќи ги граничните премини и аеродромите) и телекомуникацискиот сектор“.