Претседателот на Црна Гора Мило Ѓукановиќ соопшти дека реакцијата на премиерот Здравко Кривокапиќ ја смета за „популистичка, политикантска и под секое ниво“.

Претходно денеска Кривокапиќ, коментирајќи ја одлуката на Ѓукановиќ да ги врати на повторно разгледување сите закони кои ги донесе Собранието на седницата на 29 декември, меѓудругото наведе дека „на Ѓукановиќ му е гајле за државата штом тој не ја поседува“.

Абазовиќ со предупредување за претседателот на Црна Гора: Ако Ѓукановиќ го прекрши Уставот, ќе биде сменет

– Но, тоа е негов проблем. Па нели тој и лидерите од мнозинството се оние кои хорски се огласија и очекуваа дека јас ќе бидам соучесник во нивното противправно постапување, и натамошно поткопување на системот и државните институции. Не се тие повикани да судат дали јас сум го прекршил уставот. За тоа нека повелат да проверат пред надлежната институција – Уставниот суд. Но, за нив изгледа и собранискиот деловник е неразбирливо четиво, напиша Ѓукановиќ на Твитер.

Populistička, politikantska reakcija Zdravka Krivokapića je ispod svakog nivoa. Ali, njegov problem. Nijesu valjda on i lideri većine koji su se horski oglasili očekivali da ću biti saučesnik u njihovom protivpravnom postupanju, i daljem podrivanju sistema i državnih institucija.

— Milo Đukanović (@predsjednik_cg) January 2, 2021

Тој исто така упати и „добронамерен совет“.

– Не судете за тоа што не го знаете. И не ја бранете вие Црна Гора од мене. На крајот, за да ја добиете очекуваната почит и нормално кохабитација, почитувајте ги уставните надлежности и потрудете се малку повоспитано да комуницирате, напиша Ѓукановиќ.