Ѓукановиќ ги врати законите на повторно разгледување во Собранието
Претседателот на Црна Гора Мило Ѓукановиќ ги врати на повторно одлучување сите закони кои Собранието ги донесе на седницата од 29 ноември, меѓу кои се и измените на Законот за слобода на вероисповед, соопштија денеска од кабинетото на претседателот. Ѓукановиќ се повикува на членот 94 став 1 од Уставот на Црна Гора.
Инаку на собраниското заседание од 29 декември, усвоени се: Законот за измени на законот за труд, измените и дополнувањата на Законот за слобода на вероисповед или верувања и правната положба на верските заедници, измените на Законот за државни службеници, измените на Законот за здравствена заштита, како и измените на Законите за кредитни институции, Законот за санација на кредитните институции и Законот за фискализација во трговијата со стоки и услуги.
„Оттаму е отворено прашањето дали при почетокот на предметната седница и усвојувањето на нејзиниот дневен ред постоел кворум, а со самото тоа и прашањето за демократскиот легитимитет, како и усогласеност на законите со Уставот на Црна Гора и важечките правни прописи“, наведе Ѓукановиќ во документот упатен до претседателот на парламентот Алекса Бечиќ.
Тој укажува и на „отвореното правно прашање“ на констатирање на престанок на мандатот на пратеникот Филип Аџиќ и потврдувањето на мандатот на Суада Зороњиќ, со оглед на, како што се наведува, мнозински донесената негативни одлука на Државната изборна комисија, „како и на вкупната парламентарна пракса во Црна Гора мандатот на членовите на Парламентот да се потврди дури по предлог на тој независен институционален авторитет“.
Извор: Вијести.ме