Месец јуни за Универзитеот Американ Колеџ Скопје е навистина месец кога сѐ е во полна пареа. Вратите се ширум отворени, одговараме на повеќе прашања. Мојот дел вклучува еден линк помеѓу студентите и работодавците и можеби родителите. Тој е клучен период каде сегашните студенти не знаат каде да се одлучат да студираат понатаму. Тука сме ние да им помегнеме и да ги насочиме и ми е задоволство што Кариерниот центар во Американ колеџ е во голем развој, изјави во Утрински брифинг Сандра Грујевска од Универзитетот Американ колеџ Скопје.

– Одговорноста да се насочи еден студент каде ќе ги продолжи студиите е многу важен. Кај нас 50% е теорија, 50% е практична настава. Практичната настава е задолжителна, после секоја завршена година студентот мора да има завршено и практична настава. Имаме деловен Совет кој вклучува над 200 компании, установи и државни институции кои имаат ширум отворени врати студентите да ја извршат својата практична настава, вели Грујевска.

– Оваа пандемија покажа колку сме подготвен да ги следиме светските трендови, да се прилагодиме на новото време. Имавме хибридна настава, современа опрема која ни дозволи многу бенефиции и плус праксата можеше да се изведува онлајн. Тоа е еден клучен момент за студентите да одлучат кој факултет да го одберат и кој факултет е спремен да ги следи сите овие трендови, вели Грујевска и додава дека на колеџот има 6 факултети – архитектура и дизајн, странски јазици, информатика, политички науки, деловна економија и организациони науки, психологија.Горда сум што имаме успешна приказна. Работодавците уште од прва година на студии бараат кадар кој што би можеле тие да го оформат и да одговорат на прашањата што ги бара денеска работната сила. Самиот деловен Совет, самите компании се јавуваат кај нас и бараат кадар кој што тие можат да го моделираат, вели Грујевска.