Полицијата во Уганда денеска уапси маж кој се обидел да влезе во зградата на парламентот со отсечена детска глава што ја носел спакувана како подарок.

Жртва, според полициски извори, било дете на возраст меѓу пет и осум години, но повеќе детали не се познати, пренесува агенцијата АП.

Парламентарното обезбедување во Уганда, инаку локална група која ја надгледува работата на законодавниот дом, наведе дека грозоморниот пакет бил наменет за собраниската спикерка Ребека Кадага.

Тамошните законодавци разгледуваат закон со кој би предвидувал смртна казна во случај на злочин со жртвување на луѓе.

Жителите на Уганда изразија негодување на социјалните мрежи во врска со инцидентот, а дел од нив се сомневаат во ритуално убиство. Според полицијата и некои надзорни групи, децата се честа мета на такви убиства во државата на африканскиот исток.