ГРК Охрид славеше и во реваншот од осминафиналето во рамките од ЕХФ Европскиот куп против Дукла Прага во Чешка сега со резултат 30:24.

Македонскиот претставник веќе со една нога се промовираше како четвртфиналист во натпреварувањето откако на првиот меч беше подобар од Чесите со 30:21.

На возвратниот дуел по првото полувреме играчите на тренерот Борис Ројевиќ имаа предност од 15:13.

Најефикасен во победничките редови беше Прибетиќ со седум погодоци, по пет имаа Ојлески и Петриќ.

На спротивната страна како прв стрелец се истакна Мелих со осум погодоци, а три помалку имаше Брежина.

Во следната фаза во саботата пласман понатаму обезбедија и екипите на Целје (Словенија), Олимпијакос (Грција), Бузау (Романија) и Татабања (Унгарија).