Денеска со почеток од 19.00 часот во салата „Билјанини Извори“ ќе се игра реваншот од полуфиналето во ЕХФ Европскиот куп помеѓу ракометарите на ГРК Охрид и Цеље.

Играчите на тренерот Борис Ројевиќ имаат добра шанса пред своите навивачи да испишат нова историја за македонскиот ракомет.

Потсетување, во првите 60 минути одиграни во Словенија, Цеље триумфираше со минимален резултат 27:26.

Составот на ГРК Охрид за денешниот меч: Блажевски, Пилиповиќ, Стрмљан, Ојлески, Јагуриновски, Иванковиќ, Кукуловски, Јасухира, Ристески, Таески, Реј Моралес, Савревски, Лиапис, Ѓукиќ, Ќосевски, Прибетиќ.

Судии на возвратниот дуел ќе бидат Полјаците Михал Фабрични и Јакуб Равицки, а ЕХФ делегат е на Тихомир Касуниќ од Хрватска.

Победникот од овој двомеч, во финалето ќе игра против Татабања на нашиот репрезентативец Филип Талески. Во полуфиналето, Унгарците го елиминираа босанскиот Извиѓач.