Расте нетрпението на мигрантите кои се наоѓаат на грчко – турската граница кои се обидуваат на секој можен начин да влезат во Западна Европа користејќи ја рутата која поминува низ грчка територија. Вчера во обид да ја преминат границата на граничниот премин Еврос со молотови коктели, дрвја и камења се обиделе да се пресметаат со грчките полициски сили, соопштуваат грчките медиуми.

Паралелно, тие запалиле огнови и се обиделе да ја урнат заштитната гранична ограда.

Грчката полиција на нападите и обидите за илегален премин одговорила со солзавец.

Денеска во посета на грчко – турската граница кај Еврос се Грчкиот министер за цивилна заштита, заедно со извршниот директор на Фронтекс.