Официјално започна новата натпреварувачка сезона во најсилното италијанско првенство, и уште во првото коло Горан Пандев успеа да се запише во листата на стрелците.

Џенова во првите 10 минути на домашен терен веќе двапати ја затресе мрежата на Кротоне, за водство се погрижи Дестро во седмата минута.

En spelare som man typ trodde slutade spela för 3-4 år sedan. Göran Pandev levererar än pic.twitter.com/UzteYRF1GF

— A.Leven (@a_leven_) September 20, 2020

Само 180 секунди подоцна македонскиот репрезентативец ја зголеми предноста на еден прекрасен начин лобувајќи го противничкиот голман Кордаз.

И на 37 години „Гранде Пандев“ блеска во Серија А, да се надеваме дека ова е почеток на уште една убава голгетерска серија, а секако и во добра атмосфера пред новите репрезентативни обврски.

Да додадеме уште дека Елиф Елмас настапи од 83 минута како замена за Руиз во гостинскиот триумф на Наполи против Парма (0:2).