Уште еден пешак настрада на македонските улици, овој пат на булеварот „Илинден“ во Тетово, и тој со тешки повреди е пренесен во болница, соопшти МВР. Ова е еден од неколку десетици случаи на прегазени пешаци од почетокот на годинава во Македонија, од кои неколку завршија фатално.

29-годишниот пешак бил удрен од автомобил „Фолксваген“, кој го возел 54-годишен жител на градот, велат од полицијата.

„На 28.04.2026 во 07:50 часот во СВР Тетово е пријавено дека на бул.„Илинден“ во Тетово, патничко возило „фолксваген пасат“ со тетовски регистарски ознаки, управувано од Б.Р.(54) од Тетово, удрило во пешакот А.К.(29) од Тетово. Во несреќата пешакот се здобил со тешки повреди, констатирани во Клиничка болница Тетово. По наредба на јавен обвинител, увид извршила екипа од СВР Тетово“, пишува во полицискиот билтен.

Скопјанец со мотор смртно прегазил пешак во населбата Даме Груев