Градоначалникот на Скопје Орце Ѓорѓиевски информираше дека денеска градските служби започнале со голема акција за реконструкција на пешачките патеки низ градот.

Први на листата беа патеките покрај булеварот „Партизански одреди“, на потегот од мостот „Обединети нации“ до пешачкиот мост „Влае“, сместени на површина од 1.200 квадратни метри.

-Оваа делница добива целосно нов лик – пешачка патека со ширина од четири метри, комплетно реконструирана и современо уредена, со нова подлога, подобрена пристапност, уредени рабници и зголемена безбедност за сите учесници во сообраќајот- напиша Ѓорѓиевски.

Тој додаде дека оваа локација во Карпош е земена како почетна поради тоа што, како што вели Ѓорѓиевски, била најбарана од страна на граѓаните и бидејќи била во исклучително лоша состојба.

-Важно е да се напомене дека токму оваа патека беше една од најбараните од граѓаните, имајќи предвид дека станува збор за исклучително фреквентна зона која со години беше во сериозно лоша состојба. Со оваа интервенција, конечно ставаме крај на сликите на запуштеност и небезбедност- истакна градоначалникот.