Иако се уште има голема неизвесност околу исходот од војната во Украина, деновиве европските челници се поотворено дискутираат дека на Украина ѝ е потребен план за обнова сличен на оној кој САД ѝ го понудија на Европа по завршувањето на Втората светска војна.

Макeдонските градежници велат дека имаат капацит за вклучување во обновата на Украина, но само треба добра организација.

– Ако добро се огранизираме и ако се понуди добра цена, може да учествуваме со градежни работи во Украина. Со оглед на тоа дека таму ќе има потреба од многу работници, верувам дека ќе се понуди и добра цена. Многу наши работници сега сезонски работат во Црна Гора, во Србија и во други земји, но ако навреме има повик за градежни работи во Украина, верувам дека за повеќе пари, тие би се мобилизрале – вели Ивица Јакимовски, претседател на Градежната комора на Македонија.

Никола Велковски од Здружението на градежништо при Стопанската комора пак, објаснува дека е неопходно да се здружат повеќе градежни компании за да може да издржат еден поголем проект.

– За нискоградба, „Гранит“ може и сам да учествува, затоа што има и стручњаци и механизација, но за високоградба треба да се здружат барем 3 форми за да настапат со доволен капацитетет. Таму нема да се гради зграда по зграда, туку цели блокови, и само така ќе се исплати здружено да се настапува, затоа што тамошната логистика, како што е сместувањето и други работи е исто големо прашање. Единечно, некоја градежна фирма би можела да настапи единствено во соработка со некој тамошен конзорциум кој ќе ја пружи таа логистика – вели Велковски.