Личниот готвач на поранешниот американски претседател Барак Обама се удавил во близина на домот на семејството Обама во Масачусетс. Телото на 45-годишната Тафари Кембел било пронајдено вчера. Тој сè уште работел за семејството Обама, кое не било дома во моментот на несреќата.

Поранешниот претседател и неговата сопруга Мишел изјавија дека Кембел бил сакан дел од семејството. Тој останал со нив откако ја напуштил Белата куќа во 2017 година, каде што работел како заменик готвач, пренесува „Ројтерс“.

„Тој беше дел од нашите животи и нашите срца се скршени што го нема“, објави семејството Обама, додавајќи дека Кембел бил топла, смешна и исклучително љубезна личност.

Готвачот бил пријавен за исчезнат откако колега забележал дека Кембел не се појавил на површината додека веслале. Зад себе ги оставил сопругата и момчињата близнаци.