Дваесет и деветгодишната Украинка Вероника Чујан била убиена вчера за време на рускиот воздушен напад врз Киев. Младата жена загинала додека трчала кон засолниште, очајно обидувајќи се да ги однесе своите деца на безбедно, објавија украинските медиуми.

Во времето на нападот, таа се обидувала да ги спаси своите двеа сина на возраст од 5 и од 3 години.

Руска ракета експлодирала во непосредна близина на местото каде се наоѓала таа со семејството, а Вероника починала на самото место од силата на детонацијата.

Нејзиниот постар син бил префрлен во болница со сериозни повреди и итно е опериран, додека помалото дете преживеало само со полесни повреди.

Во нападите врз неколку украински градови, 22 лица беа убиени, а 130 беа ранети.

Според официјалните податоци од украинските воздухопловни сили, Русија лансирала вкупно 729 ракети и камикази дронови низ целата земја во еден бран, а главната цел на нападот бил Киев.

🕯️ A massive Russian overnight missile strike on Kyiv on June 2 claimed the life of Veronika Chuyan, a young mother of two.

A Russian missile hit directly near Veronika while she was running to a shelter with her sons, aged 5 and 3. pic.twitter.com/l3cvZaouNV

— UNITED24 Media (@United24media) June 3, 2026

Две деца загинаа, 90 луѓе се повредени, 52 се во болница: Страшен биланс од големиот руски напад врз Украина