Албанските власти започнаа истрага за проект за луксузен одморалиште вреден 1,5 милијарди долари поврзан со брачниот пар Џаред Кушнер и Иванка Трамп. Неодамнешните коментари на ќерката на американскиот претседател долеа масло на огнот, објавија албанските медиуми.

Пред два дена, Иванка Трамп беше гостинка во подкастот на Дејвид Сена, зборувајќи емотивно за проектот, нарекувајќи го албанскиот остров Сазан – „приватен остров“ што таа и нејзиниот сопруг „го откриле случајно“.

Ова не  е првпат ќерката на Трамп да зборува за планови за изградба на луксузен, и, пред сè, приватен комплекс за нивното семејство и гости.

Сепак, тие дојдоа во време кога обвинителството на Абан за борба против корупцијата започна истрага за проектот за луксузен одморалиште на островот Сазан во Јадранското Море и заштитеното крајбрежно подрачје кај Валона.

Проектот предизвика протести, загриженост од еколошките групи и обвинувања дека еден од последните недопрени крајбрежни екосистеми во земјата постепено се затвора за јавноста.

Во текот на вториот ден од протестите, на улиците на главниот град се собраа илјадници граѓани кои се спротивставуваат на изградбата на комплексот во областа Валона, која е дел од заштитениот крајбрежен екосистем.

Демонстрантите ја критикуваа одлуката на властите да дозволат спроведување на проектот, предупредувајќи на можни последици за биодиверзитетот и рутите за миграција на птиците во областа.

Во извештајот на агенцијата „Си њуз“ се наведува дека протестите започнале по судирите меѓу локалните жители и приватното обезбедување ангажирано во проектот, и дека демонстрантите бараат запирање на изградбата и преиспитување на одлуките за пренамена на заштитеното земјиште.

Според тие изјави, дел од јавноста и еколошките организации изразуваат загриженост за можното влијание на проектот врз заштитениот природен комплекс, додека инвеститорот тврди дека сите дозволи се добиени во согласност со законот.

Албанскиот премиер Еди Рама претходно го поддржуваше развојот на луксузниот туризам како дел од стратегијата за привлекување странски инвестиции, додека критичарите ги обвинуваа властите за промена на прописите за заштитените подрачја што овозможија спроведување на проектот.

Точните податоци за вкупниот број учесници во протестите варираат во зависност од изворот, а независните проценки зборуваат за стотици до неколку илјади демонстранти.

Shqipëria nuk është në shitje! Shqipëria është e jona! Protesto : Sot më shumë!
🇦🇱🇦🇱🇦🇱💪🏻💪🏻💪🏻🫶🏻🫶🏻🫶🏻#Protests #Tirana #Albania #Vlora #Zvërnec pic.twitter.com/8KB3el3owX

— Dorina Xhixho (@DorinaXhixho) June 2, 2026

ВИДЕО | Стотици луѓе протестираа во Албанија против луксузниот проект на зетот на Трамп