Руски напади убија најмалку десет луѓе низ Украина — шестмина во Днипро и четворица во главниот град Киев — во еден од најголемите напади на Москва во последните месеци, објави „Би-би-си“.

Нападот бил насочен кон повеќе големи градови, меѓу кои Киев, Днипро, Полтава, Харков и Запорожје.

Десетици луѓе беа повредени, меѓу нив и неколку деца, откако ноќните воздушни напади погодија станбени згради. Спасувачките екипи во Киев брзаа да ги пронајдат луѓето за кои се стравува дека се заробени под урнатините.

Во раните утрински часови денеска, воздушна тревога беше прогласена во поголемиот дел од Украина.

Москва минатата недела предупреди дека ќе почне „систематски напади“ врз Украина како одговор на нападот со дрон минатиот месец врз студентски дом во регионот Луганск, кој е под руска окупација, при што загинаа 21 човек.

Големи облаци чад се издигаа од центарот на Киев, а градоначалникот Виталиј Кличко ги повика граѓаните да се сокријат во засолништа. Шефот на Киевската воена администрација, Тимур Ткаченко, изјави: „Непријателот напаѓа со балистички ракети“.

Кличко рече дека постои страв дека луѓе се заробени под урнатините на оштетените згради.

Во Русија, центарот за итни интервенции во Краснодарскиот крај соопшти дека избувнал пожар во нафтената рафинерија Илски по напад со дрон. Според службата за итни случаи, нема жртви.

Big Russian attack on Ukraine

Russia has launched dozens of Missiles and drones targeting Ukrainian capital Kyiv. Ukraine’s defense system has gone almost silent.Reports of missile and drone impacts are coming in from several locations across Kyiv. pic.twitter.com/eAcRfWCLHF

— Baba Banaras™ (@RealBababanaras) June 2, 2026

Се слушаше зуењето на дронови

Додека руските напади го погодуваа Киев во раните утрински часови, меѓу повеќе од десет силни експлозии можеше да се слушне зуењето на дронови.

Нападот предизвика пожари во близина на бензинска пумпа, градилиште и неколку станбени згради, како и две куќи, соопшти Кличко. Во градот се пријавени и прекини на струја.

Нападнат е и индустриски објект во Запорожје.

Нападите доаѓаат откако украинскиот претседател Володимир Зеленски вчера повторно предупреди на можен голем руски напад и ги повика граѓаните особено внимателно да ги следат воздушните тревоги.

„Разузнавачките предупредувања за руски напади остануваат во сила. Можен е масовен напад, тие го подготвиле“, рече Зеленски во своето вечерно видеообраќање.

Украина е под закана од масoвни руски воздушни напади, предупреди Зеленски

Русија ги повика странците да го напуштат Киев

Минатата недела Русија соопшти дека ќе гаѓа воени и центри за одлучување во Киев и ги повика странците да го напуштат градот. Москва тврдеше дека тоа е одговор на намерниот украински напад врз студентски дом во Старобилск.

Во тогашното соопштение, Генералштабот на Вооружените сили на Украина наведе дека навистина извршил напад во близина на Старобилск ноќта меѓу 21 и 22 мај, но тврди дека погодил руска воена единица.

Киев ги оцени руските закани како „ништо помалку од бесрамен уценувачки потег“ и ги повика сојузниците да го зголемат притисокот врз Москва.

Откако краткиот прекин на огнот истече во мај, Русија изврши неколку бранови ракетни и напади со дронови врз Киев, меѓу кои и напади врз станбена зграда во кои загинаа 24 луѓе, вклучително и три деца.

Украински напад со дрон врз московскиот регион уби тројца, а Зеленски рече дека тоа било „целосно оправдан“ одговор на руските напади.

ВИДЕО | Русија го нападна Киев со 600 дронови и со 90 ракети — Зеленски обвинува дека бил употребен „Орешник“