Сегашниот претседател на фудбалскиот клуб Реал Мадрид, Флорентино Перез веќе договори неколку договори, но изборите би можеле да променат сè. Кој ќе го води Реал?

Перез, потврди дека Жозе Мурињо повторно ќе ја преземе клупата на кралскиот клуб ако Перез обезбеди нов мандат на претстојните клупски избори.

Првиот човек на Реал Мадрид одлучи да распише предвремени избори по турбулентната сезона, но на нив се соочи со конкуренција.

Енрике Рикелме се појави како противник на Перез, нудејќи амбициозни ветувања на членовите на клубот.

Покрај враќањето на харизматичниот стручњак, Перез веќе ги обезбеди првите засилувања на теренот. Постигнати се договори за доаѓањето на Дензел Дамфрис и Ибрахим Конате. Сепак, судбината на сите овие договори зависи од исходот на изборите што се одржуваат овој викенд. Доколку Перез победи, сите договори ќе бидат официјализирани веднаш, додека евентуалниот триумф на Рикелме би донел целосен пресврт и би го запрел остварувањето на овие планови.

Мурињо освои три трофеи за време на неговиот претходен престој во шпанската престолнина, од 2010 до 2013 година.

Од друга страна, Рикелме изјави дека ако победи на изборите, ќе го донесе Родри на „Сантијаго Бернабеу“. Тој исто така вети дека ќе ја донесе најголемата ѕвезда меѓу тренерите, но нагласи дека тоа не е Мурињо.