Иранскиот министер за надворешни работи, Абас Арагчи, изјави дека вооружените сили на земјата извршиле „напади за самоодбрана“ врз локации што ги користат Соединетите Американски Држави за напад на трговски бродови и кршење на прекинот на огнот, објави Си-ен-ен.

Аеродромот во Кувајт е нападнат, а новите напади од Иран и САД го заоструваат примирјето.

Во објава на социјалната мрежа„Икс“, Арагчи рече дека „секој непријателски чин ќе биде пресретнат со непосреден и решителен одговор“, додавајќи дека „она што санкциите и војната не успеаја да го постигнат, повеќе војна нема да го постигнат“.

Заедно со изјавата, тој објави видео клип од американскиот шеф на дипломатијата, Марко Рубио, во кој ја пофалува сојузничката соработка на Кувајт и ОАЕ со Вашингтон за време на операцијата „Епски бес“, како што САД ги нарекоа своите првични напади врз Иран кон крајот на февруари и почетокот на март.

Шефот на иранската дипломатија потврди дека Техеран ги таргетирал американските бази во Кувајт и во Бахреин, како и брод во близина на Ормутскиот теснец. Според него, нападите со ракети и беспилотни летала биле извршени откако американската војска со ракета „Хелфаер“ онеспособила танкер за нафта под знамето на Боцвана, кој пловел кон островот Харг, главниот центар на Иран за извоз на нафта.

Our Armed Forces are conducting self-defense strikes on sites the U.S. is permitted to use to attack civilian shipping and violate the ceasefire.

Any hostile act will be met with an immediate, decisive response. What sanctions and war failed to achieve won’t be won with more war pic.twitter.com/CwjULJ6PeI

— Seyed Abbas Araghchi (@araghchi) June 3, 2026

Иран погоди американска база во Кувајт, има повредени војници и уништени дронови