Големи пожари во Сибир, Гренланд и Алјаска (ВИДЕО)
Огромен облак од чад се шири низ Сибир, додека шумските пожари со невидени размери во Арктичкиот Круг беснеат веќе трет месец, а пожарот може да се забележи и од вселената.
Замрзнатиот терен покриен со снег и мраз, кој е клучен дел од системот за ладење на Земјата, ослободува јаглерод диоксид во атмосферата и ја влошува веќе загрозената клима.
Вкупната емисија на јаглерод диоксид во атмосферата од почетокот на годината е еквивалентна на емисиите произведени од 36 милиони автомобили годишно, соопшти „Гринпис“.
Forest fires in Siberia are emitting more than 166 Mt CO2 — nearly as much as 36 million cars emit a year. pic.twitter.com/FFeSVkQlJv
— DW News (@dwnews) August 7, 2019
Русија е најпогодена од пожарите. Минатиот месец, претседателот Владимир Путин ја мобилизира војската за да гаси пожари, а четири сибирски региони прогласија вонредна состојба.
Научникот Јозеф Ашбахер рече дека во период од два месеци, од пожар биле уништени 4,3 милиони хектари шума само во Сибир, загрозените животни бегаат од дивината во населените места, а Антон Бенеславски, експерт за противпожарна заштита во Гринпис, додаде дека ситуацијата би можела да биде потенцијално опасна за локалното население бидејќи пожарите би можеле да се преселат во населени места.
НАСА предупредува на својата веб-страница дека чадот содржи многу загадувачи и штетни состојки кои можат да бидат штетни за здравјето, особено на децата и старите лица.
Карли Филипс од Унијата на загрижени научници вели дека во пожарите на Алјаска изгореле 7,3 милиони хектари шума од 2000 година, што е двојно повеќе од претходните 20 години.
Breaking: New drone footage shows the devastation caused by unprecedented wildfires in Siberia this summer.
Scientists are now warning that these huge fires in the Arctic circle could become the new normal due to global heating. pic.twitter.com/uuoCctuivz
— Unearthed (@UE) August 7, 2019
Исто така, емисијата на јаглерод диоксид од овие пожари може да го забрза затоплувањето на планетата.
Иако пожарите во северна Русија, Сибир и Гренланд беснеат веќе три месеци, глобалната јавност дури неодамна се „разбуди“.