ФОТО: Голем пожар во Тетово, се прекинува наставата, граѓаните да останат во домовите
Десетина лица побарале лекарска помош поради задушување и тешкотии од вдишан чад, а двајца се примени на хируршкото одделение во Тетово поради изгореници од големиот пожар кој избил изутринава околу 9.30 часот во складот на фабриката за градежни материјали на фирмата „Пофикс“ кои се наоѓаат во поранешните простории на „Македонија Табак“. Во гаснењето учествуваат и полициски хеликоптери.
Во склад имало лесно запалива материи. . Меѓу повредените и оние кои побарале лекарска помош има граѓани и пожарникари. Во моментов пожарот го гасат пожарникари од Тетово, а на помош дојдоа и од скопската противпожарна единица бидејќи пожарот е голем и се шири кон останатите магацински простории.
Општина Тетово денеска донесе одлука да се прекине наставата во тетовските основни и средни училишта бидејќи воздухот е многу загаден од пожарот што утрово изби во склад за градежен материјал на фирмата „Пофикс“ од Тетово.
Густиот и црн чад се проширува над целата површина од градот и може да се види од повеќе километри оддалеченост.
Стојанче Ангелов: Се работи на детекција за тоа дали постои опасност во воздухот во Тетово