Шпанската компанија за дигитална испорака Глово во понеделникот објави дека планира да отпушти 250 работници за поддршка поради намалената побарувачка во период на висока инфлација и скок на трошоците за живот.

„Одлуката за отпуштање главно го опфаќа седиштето на компанијата во Барселона во области како што се деловна поддршка, регрутирање и податоци“, се вели во соопштението на извршниот директор на Глово, Оскар Пјер. Ниту еден курир или други работници кои се во директен контакт со клиентите нема да бидат отпуштени, нагласи Пјер.

По отпуштањата, Глово ќе има 6,5 отсто помалку работници во Шпанија и други земји. Тео Сирола, го изгради Глово од нула, а сега тргнува во нова предизвикувачка и возбудлива авантура.

Брзиот раст на компанијата од почетокот на работењето во 2015 година доведе до неефикасност, објасни првиот човек на Глово, додавајќи дека на резултатите негативно влијаат и надворешни фактори, како што е падот на нарачките во четвртиот квартал од 2022 година, објави Пословни хр.