Во Кина, каде првично изби глобалната пандемија на коронавирусот, голем број на луѓе се вклучија во неговото сузбивање. Во првите редови, после медицинските работници, се најдоа и полицајците.

Една од нивните главни задачи, како дел од контролата на усогласеноста со рестриктивните мерки за борба против епидемијата, беше и сè уште, е да се контролира температурата на телото и симптомите на инфекцијата кај граѓаните.

Службениците првично тоа го правеа рачно со ласерски мерачи, за неодамна да добијат специјални шлемови кои се опремени со камери за термозивиска обработка, кои автоматски ја мерат температурата на луѓето на улица, дури и ако тие се движат во поголема маса.

Камерите можат да ги идентификуваат минувачите и веднаш да ги идентификуваат лицата со симптоми на растојание од 5 метри, поради што, иако епидемијата во Кина полека опаѓа, сега се користи за откривање на заразените лица кои ги прекршуваат правилата за самоизолација.

Кога камерата го лоцира сторителот, полицаецот на стаклото (визирот) може автоматски да види за која личност станува збор, бидејќи неговата / нејзината боја на екранот е црвена, додека кај другите лица не е. Системот ја чита температурата на телото на сите луѓе во видното поле на камерата.

Информациите за сторителот во реално време се обработуваат и се испраќаат до специјалните патроли, кои веднаш го отстрануваат назначеното лице од групата, а потоа го одведуваат на преглед.

Оваа современа технологија е развиена за употреба во борбата против криминалот, што досега се покажува како многу успешна, но сега се најде и за откривање на лица кои имаат симптоми на инфекцијата од Ковид-19.