„Главата ми паѓаше, очите ми се затвораа“: Сестрата на Мајли Сајрус била зависна од овој антидепресив
Ноа Сајрус се отвори за нејзината зависност од лекот „Ксанакс“ и како успеала да се одвикне од антидепресивот. Во изјава за магазинот „Ролинг Стоун“, помладата сестра на поп-ѕвездата Мајли Сајрус изјавила дека првпат почнала да го користи „Ксанакс“ кога имала осумнаесет години. Сега има дваесет и две години.
„Моето момче во тоа време, кога имав 18 години, беше првиот човек што ми даде „Ксанакс“ и тоа стана начин да се поврземе“, изјавила младата пејачка родена во Нешвил.
View this post on Instagram
„Мислам дека само сакав да се вклопам со него. Мислев дека е кул да се користат антидепресиви. Кога сфатив дека завосноста од овој лек ме натера постојано да се чувствувам опуштено и без стрес, веќе беше доцна, станав зависна“, рече таа.
Ноа се присетила на моментот кога толку многу била зависна од лекот што не можела да издржи и да присуствува на интервју кое било претходно закажано.
„Главата ми паѓаше, очите ми се затвораа, не можев добро да зборувам“, истакнала младата пејачка.
View this post on Instagram
Во август 2020 година, бабата на Ноа и Мајли починала, а таа цело време користела „Ксанакс“ и не можела да биде со семејството.
„Ми требаше време да прекинам да користам „Ксанакс“ и да ги пребродам анксиозноста и депресијата што следеа. Музиката ми помогна да закрепнам“, истакнала Ноа.
