Менаџерот на фудбалерите на Кристал палас, Оливер Гласнер, изрази огромна гордост за перформансите на својот тим по нивната победа во Комјунити шилд над Ливерпул на стадионот Вембли во Лондон во неделата.

Кристал палас ја освои својата прва титула во Комјунити шилд со победа од 3:2 по изведувањето на пеналите (2:2 по регуларните 90 минути), резултат што Гласнер го припиша на отпорноста на играчите и вербата во неговата визија.

– Ми се допаѓа чувството. Голема заслуга на играчите за оваа победа. Се вративме и успеавме да го решиме натпреварот по изведувањето на пенали. Бевме на исто ниво како Ливерпул и тоа беше одличен настап. Горд сум на тимот – рече Гласнер за ТНТ Спортс.

Германскиот тренер ја истакна способноста на тимот да создава шанси, истакнувајќи:

– Знаеме што можеме да направиме и како можеме да создадеме шанси. Работите се развија во текот на 18 месеци и играчите навистина почнуваат да веруваат во она што го правиме. Знаев дека можеме да постигнеме барем два гола – се зборовите на Гласнер.

ВИДЕО | Кристал палас го урна Ливерпул на „Вембли“ и го освои Комјунити шилд