Освојувачот на ФА купот од минатата сезона беше подобар од шампионот на Англија. Фудбалерите на Кристал палас го совладаа Ливерпул со 5:4 после пенал серијата (2:2 во регуларниот дел) и го освоија Комјунити шилд на стадионот „Вембли“ во Лондон.

Шампионите на ФА Купот стигнаа до својот втор трофеј во историјата на крилата на голманот Дин Хендерсон, кој одбрани два пенали.

Уго Екитике им донесе водство на англиските шампиони во четвртата минута, но Жан-Филип Матета израмни од пенал во 17 минута.

Џереми Фримпонг го постигна својот прв гол во 21 минута, додека Исмаила Сар реализираше пенал во 77 минута.

Во ударите од белата точка Кристал палас беше подобар со 3:2, непрецизни во екипата на Ливерпул беа Салах, Мекалистер и Елиот.

Салах во првата серија шутираше над голот, а Хендерсон ги одбрани ударите на Мекалистер и Елиот.

На спротивната страна стрелаа Матета и Сар, а клучниот за освојување на пехарот го реализираше Девени.