Новак Ѓоковиќ на патот кон четвртфиналната фаза на турнирот во Рим (Италија) за 74 минути игра го совлада Станислас Вавринка.

Српскиот ас убедливо го елиминираше Швајцарецот со резултат 2:0 во сетови 6:2 и 6:2. Ова беше нивни прв меѓусебен дуел од грен слем турнирот „УС Опен“ во 2019 година.

Ѓоковиќ во првиот гем му го одзеде сервисот на Вавринка, а истото го направи и во седмиот кога поведе со 5:2.

На ист начин го отвори и вториот сет во кој Вавринка пружи нешто посилен отпор. Но, тој не можеше да го загрози фаворитот, иако врати еден од двата брејка кога намали на 4:2.

Ѓоковиќ во четвртфиналето ќе игра со Феликс Оже-Алијасим. Младиот Канаѓанец беше подобар од Американецот Маркос Гирон (6:3, 6:2).

Во другите мечеви: Де Минаур – А. Зверев 0:2, Хачанов – Циципас 1:2, Крајиновиќ – Синер 0:2, Гарин – Чилиќ 2:1. Познати се уште две четвртфинални двојки Синер – Циципас и Гарин – Зверев.