Светскиот рекет број два Новак Ѓоковиќ се пласираше во осминафиналето на овогодинешниот „Вимблдон“ откако го совлада Швајцарецот Станислас Вавринка со 3:0 во сетови 6:3, 6:1 и 7:6 (5) за два часа и 10 минути игра.

Вавринка знаеше во своите најдобри денови од кариерата да биде тврд „орев“ за најдобриот тенисер во историјата, дури трипати исфрлувајќи го од грен слем турнирите.

Вавринка тоа го направи на Австралија Опен во 2014 година, потоа на Ролан Гарос во 2015 година и една година подоцна на УС Опен. Овие двајца тенисери имаат одиграно дури 26 мечеви, а ова им беше само прв на трева на Вимблдон.

That's an outrageous winner on the run 😤#Wimbledon | @DjokerNole pic.twitter.com/V8P59SXaX5

— Wimbledon (@Wimbledon) July 7, 2023

Dominant Djokovic.@DjokerNole defeats Stan Wawrinka 6-3, 6-1, 7-6(5) to reach the Round of 16#Wimbledon pic.twitter.com/amEctlpANP

— Wimbledon (@Wimbledon) July 7, 2023

Србинот сериозно го сфати својот ривал, од првиот поен одигра на високо ниво, а швајцарскиот тенисер не беше никаква закана.

За пласман во четвртфиналето Ѓоковиќ ќе игра против Полјакот Хуберт Хуркач кој со 7:6 (4), 6:4 и 6:4 го совлада Италијанецот Лоренцо Музети.

Кај мажите познати се уште три осминафинални двојки, Р. Сафиулин ќе игра против Д. Шаповалов, А. Рубљов против А. Бублик и Ј. Синер за ривал го има Д.Е. Галан.

Во женска конкуренција во осминафиналето ќе имаме чешки дуел помеѓу М. Вондрушова и М. Бузкова, потоа Американката Џ. Пегула ќе се соочи со Украинката Л. Цуренко, потоа В. Азаренка од Белорусија ќе игра против Е. Свитолина од Украина, а првата носителка И. Швјонтек од Полска за противничка ја има Б. Бенчиќ од Швајцарија.