Германски пензионер заврши на суд, бидејќи во својот дом чувал тенк од Втората светска војна
Правниците во Германија расправаат за тоа како да постапат со пензионерот (84) кој во својот подрум чувал тенк, противавионска пушка и торпедо од Втората светска војна.
Тенкот „Пантер“ беше отстранет од подрумот на куќата на северот на Германија во градот Хајкендоф во 2015 година, пишува Би-Би-Си.
Обвинителите и бранителите сега преговараат за можни казни, вклучително условна казна и парична казна до 500.000 евра.
Според адвокатот на обвинетиот, Американскиот музеј е заинтересиран за купување на тенкот „Пантер“.
Многу историчари тврдат дека тоа било најефикасното возило што го користела Германија за време на Втората светска војна.
Адвокатот исто така рече дека голем број германски колекционери контактирале со обвинетиот поради други предмети, вклучително и пушки и пиштоли.
На судското рочиште во понеделникот во градот Кил, околу 100 километри северно од Хамбург, адвокатите се обидоа да утврдат дали воената колекција го крши германскиот Закон за контрола на оружјето.
Одбраната тврди дека многу оружја веќе не се функционални и дека „Пантер“ е купен како отпад, и размислува да прифати казна од 50.000 евра.
Во јули 2015 година, околу 20 војници цели девет часа го извлекуваа „Пантерот“ од имотот.
Следното рочиште е закажано за во среда, а пресудата се очекува следниот месец.