Ракометната репрезентација на Германија оствари убедлив триумф над Словенија од 36:27 и обезбеди пласман на олимпискиот ракометен турнир. Германија во првото коло од групата 3 одигра нерешено против Шведска и со денешниот триумф над Словенија си обезбеди едно од првите две места на табелата кои носат пласман на Олимписките игри во Токио.
Во последното коло Германија игра со аутсајдерот Алжир, додека Словенија на Игрите во Токио ја носи единствено победа над Шведска.

На чекор до Олимписките игри е и Хрватска која по вчерашниот пораз од Франција, денеска во натпревар исполнет со пресврти успеа да ја совлада Португалија со 25:24 во директен дуел за второто место. Ракометарот на Вардар, Иван Чупиќ со девет постигнати гола беше најзаслужен за триумфот на „коцкестите“.
Селекцијата на Бразил со победата од 30:24 над Јужна Кореја се доведе во позиција со утрешен триумф над Чиле да обезбди пласман на Игрите во Токио.