Во Германија се регистрирани нови 10.976 новозаразени со коронавирус, со што број се зголеми на 1,65 милиони, додека бројот на смртни случаи надмина 30.000, објави Националниот центар за контрола на болести Институтот „Роберт Кох“.

Според податоците на Институтот, во последните 24 часа биле евидентирани уште 348 смртни случаи, па вкупниот број се зголеми на 30.126.

Бројот на новоинфицирани е значително помал отколку пред една недела, но и бројот на тестирани е помал.

Германските здравствени власти претходно објавија дека властите ќе ги објават резултатите од тестовите побавно за време на божикните празници.

Германија имаше релативно ниска стапка на смртност во првата фаза од пандемијата, но во последните неколку недели бележи стотици смртни случаи на ден. Од европските земји, Италија, Велика Британија, Франција и Шпанија сè уште имаат поголем број смртни случаи.