Герет Бејл објави крај на кариерата!
Велшкиот фудбалер Герет Бејл објави крај на фудбалската кариера на 33-годишна возраст, одлуката ја потврди самиот тој преку социјалните мрежи.
Во објавата Бејл наведува дека внимателно размислил за неговата иднина и одлучил дека е најдобро да се повлече.
„Се чувствувам среќно што го остварив сонот да го играм спортот кој го сакам. Од мојот прв допир во Саутемптон до мојот последен во Лос Анџелес, горд сум на се што ми се случи во кариерата. Сите мои клубови, менаџери ,тренери, соиграчи и навивачи имавте влијание што не може да се измери“, стои во дел од објавата на Бејл.
Кариерата Бејл ја започна во Саутемптон од каде што по само една сезона (2006/2007) се пресели во Тотенхем каде што играше од 2007 до 2013 година. Таа 2013 година направи голем трансфер во Реал Мадрид, а во 2020 како позајмен играч се врати во Лондон. Кариерата ја завршува во МЛС во тимот на Лос Анџелес каде што настапува од 2022 година.