Георгиевски е новото десно крило на Вардар

EPA-EFE/GEORGI LICOVSKI

Нашиот „Џомба“ прифати договор на две години и македонскиот репрезентативец ќе му прави друштво на Иван Чупиќ.

Ново име меѓу „црвено-црните“ после Филип Талески, Томислав Јагуриновски, Дмитри Санталов и Робин Кантегрел.

Од следната натпреварувачка сезона (2020/21) дресот на ракометниот клуб Вардар ќе го носи Гоце Георгиевски (33).

Како што информира „Вардар фанс“ договорот е на две години и ќе му прави друштво на искусниот хрватски интернационалец Иван Чупиќ.

Македонското репрезентативно крило од 2016 година ги бранеше боите на романската екипа ЧСМ Букурешт.

Во својата клупска кариера на нашиот „Џомба“ играше уште во Автокоманда за РК Металург и францускиот Феникс Тулуз.

Видео на денот