Шефот на бугарската дипломатија Георг Георгиев порача дека не постои друга корисна перспектива за Западен Балкан освен Еевропската Унија.

Тој во одговор на прашањето на БГНЕС во врска со зголеменото влијание на Русија и Кина на Балканот, вели дека таму каде што Европската визија за интеграција е отсутна, европскиот проект е изложен на ризик од имплементирање на други, трети елементи.

„Ова е причината зошто инсистираме и веруваме дека за нашите партнери од Западен Балкан не постои друга корисна перспектива освен членство во Европската Унија. Некои од нив се веќе сојузнички земји во НАТО, така што ние ќе продолжиме да работиме во оваа насока“, изјави Георгиев.

Тој изрази надеж дека одговорноста на владите на земјите од Западен Балкан ќе биде на врвот на ова – дека самите ќе ги артикулираат своите национални интереси и знаат дека тоа е секогаш поврзано со добрососедството, со обезбедување на одбранбени и безбедносни политики во Европа и во регионот.

„Неопходно е да се спротивстави на сите хибридни и други закани кои имаат за цел да ги дестабилизираат нашите земји“, нагласил бугарскиот министер.