Гасол остана верен на НБА шампионот - Слободен печат
КошаркаСпорт

Гасол остана верен на НБА шампионот

Шпанскиот кошаркарски центар на Торонто Репторс, Марк Гасол ќе игра за канадскиот тим и во наредната натпреварувачка сезона.

Гасол ја искористи можноста да го продолжи својот договор за сума од 25,6 милиони долари со Репторси.

Тоа го објавија и во Торонто со големо задоволство, и на тој начин решија едно многу важно прашање за наредната сезона.

Со својот тим успеа да ја освои титулата во НБА лигата, во финалната серија беше совладан Голден Стејт Вориорс со 4:2.

Во минатата натпреварувачка сезона во 26 одиграни мечеви во просек имаше по 9,1 поен по натпревар. Пред да се пресели во редовите на Торонто, Гасол играше уште за екипите на Мемфис, Жирона и Барселона.

Во меѓувреме раководството на НБА сака да го скрати времетраењето на регуларната сезона. Според „ЕСПН” се разгледува прашањето за намалување на бројот на натпревари почнувајќи од сезоната 2021/22 на 58.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close