ГАЛЕРИЈА | ПРЕД И ПОТОА: Слобода во уредувањето на просторот за домување
Изведбата на проектот е од скопското архитектонско студио „Студио 90“
Реновирањето на станот започна со репроектирање на постојната состојба која не ги задоволуваше стандардите за станбено живеење на четиричлено семејство.
Новопроектираната состојба подразбира поставување на граница помеѓу дневниот простор, кујната и трпезаријата кои го дефинираат јавниот простор и приватниот, трите спални соби и бањата.
Следниот чекор по поставувањето на внатрешната организација беше одредување на стилот, боите, материјалите и текстурите на сите површини.
Во внатрешното уредување се употребени јаки бои на ѕидовите и материјалите, бетонска текстура во дневната соба, дрвен под, модерни парчиња на мебел од дрво и браварија наспроти минимална рустика во обработка на кујната.
Сите елементи заедно создаваат современ изглед кој е олеснет од строгоста во доследноста на стиловите . Владее слобода на изразот и духот.
Концептот се доближува до природата на домувањето која е неограничена, еклектична но и извлечена од контекстот со тендеција да создаде топла, пријатна и непосредна атмосфера.
Во уредувањето на бањата упоребени се плочки кои имитираат мермер.
Поставувањето на ист тип на плочки создава визуелно проширување на просторот и безвременски изглед. Со оглед на малата квадратура постигнат е максимум во однос на позиционирањето на проширената програма која подразбира два мијалника и туш за двајца.
ГАЛЕРИЈА: Стан во населба Аеродром во скандинавски стил со медитерански акценти