На доделувањето на Видео музичките награди на „МТВ“ – ВМА (MTV VMA), модата е гласна речиси како и музиката и модните комбинации на розовиот тепих во 2023 година не беа исклучок.

Вчеравечер познатите личности дојдоа во „Центарот Прудентал“ во Њу Џерси облечени во впечатливи креации, од смели до блескави и светкави комбинации.

Во продолжение погледнете ги сите најдобро облечени ѕвезди од овогодинешните Видео музички награди, според „Пејџ сикс“ (Рagesix).

Тејлор Свифт

Најноминираната артистка оваа година вечерта, Тејлор Свифт одбра пожесток изглед од вообичаено, појавувајќи се на розовиот тепих во асиметрична црна тоалета на Версаче, обложена со иконскиот златен хардвер Медуза на луксузниот бренд.

Селена Гомез

Ова може да е најдобриот изглед пејачката до сега. Гомез беше прекрасна во рачно изработен црвен фустан од Оскар де ла Рента, чие здолниште беше формирано од нежни цветни ленти.
Дијамантите од Џардини Сегрети, вклучително и пар прекрасни обетки со пеперутка, го завршија цветниот изглед на ѕвездата.

Оливија Родриго

Младата пејачка има тенденција да ги меша парчињата инспирирани од панкот со привлечните секојдневни комбинации – но кога станува збор за црвениот тепих, таа изгледа апсолутно најдобро во едноставни силуети како оваа.
Елегантниот светкав фустан на Родриго, обложен со кристали на Сваровски, од Лудовик де Сен Сернин, беше вистински избор, а минималниот изглед на додатоци убаво се комплетира со сиот тој сјај.

Карди Би

Нема лоши денови за коса овде! Карди изгледаше беспрекорно во наметката на Дилара Финдикоглу инспирирана од оклоп, направена од илјадници штипки за коса.

Меган Ди Сталион

Подеднакво секси и софистицирано, корсетот од Брендон Блеквуд, без презрамки, совршено ѝ прилегаше. Неверојатните 129 карати на Jacob & Co. беше шлаг на тортата.

Шакира

Овогодинешната добитничка на наградата „Видео авангард“ изгледаше одлично во златна креација со синџири и гол грб од Версаче, која совршено „легна“ на нејзините облини.
Шакира ги донесе синовите Милан и Саша како нејзини придружници за големата вечер, а двете момчиња беа облечени во барокни тренерки од Версаче.

Савити

Савити изгледаше неверојатно во оваа невообичаена креација од пистата на „Ареа“. Ја рекреираше Вилма Флинстон, но во модерно издание.

Манескин

Гледачите на ВМА можеби се сеќаваат на цензурираните изданија на италијанските рокери за време на минатогодишното емитување, што може да објасни зошто оваа година се одлучиле за прикриена варијанта. Во креации на Рик Овенс секако изгледаа фантастично.

Стивен Санчез

Несомнено, најдобро облечениот човек на розовиот тепих на ВМА, според „Пејџ сикс“ е пејачот Стивен Санчез, кој изгледаше одлично со сината машна на Гучи и чантата Дијана со рачка од бамбус.

Чарли и Дикси Д’Амелио

Познатите сестри на ТикТок изгледаа елегантно во дуо од совршено скроени фустани без прерамки. Чарли носеше миди фустан со машна од ШуШу/Тонг, додека Дикси блесна во скулптурната креација на Матичевски.