Франција во наредните денови ќе испрати респираторна опрема во Индија за да и помогне на државата да се справи со сериозната криза предизвикана од епидемијата на Ковид-19. Тоа го најави синоќа Кабинетот на францускиот претседател Емануел Макрон.

Претходно вчера, Европската комисија го активираше својот механизам за цивилна заштита на ЕУ и побара испраќање кислород и лекови во Индија, откако доби барање од Њу Делхи.

Индија  постави нов црн светски рекорд по бројот на новоинфицирани со вирусот, откако во изминатите 24 часа беа потврдени 352.991 нов случај на инфекција, што е најголем број на новоинфицирани од почетокот на пандемијата. Вкупниот број на потврдени случаи на заразени со Ковид-19 во Индија е над 17 милиони. Индија е втора во светот според бројот на потврдени случаи на коронавирус, по САД. Во изминатите 24 часа починаа 2.812 лица од последиците на вирус, а вкупниот број на смртни случаи од почетокот на пандемијата е 195.123