Францускиот кошаркарски клуб Бург беше едно од најпријатните изненадувања на европската сцена во изминатата сезона, крунисувајќи ја одличната година со освојување на трофејот во Еврокупот.

Со тој успех, Бург автоматски обезбеди место во Евролигата за следната сезона, но францускиот тим сепак донесе одлука да не настапува во елитното европско натпреварување поради финансиски причини.

„Бург го достигна врвот на своето патување со освојувањето на трофејот во Еврокупот на 28 април. По овој успех, клубот внимателно ја разгледа можноста за приклучување во Евролигата. Разговорите опфатија финансиски, организациски и структурни фактори. Сфативме дека не можеме да го направиме овој чекор, бидејќи би ги загрозиле одамна поставените темели. По проценката, одлуката беше донесена во договор со Евролигата“, стои во соопштението на Бург.

Слична одлука донесе и шпанска Гран Канарија во 2023 година, кога и покрај освојувањето на Еврокупот се откажа од учество во Евролигата поради истите проблеми.