Српската пејачка Ана Ѓуриќ, позната како Констракта, вчера го прослави својот 44. роденден на многу креативен начин, својствен за нејзината смисла за хумор.

Пејачката, која ја претставуваше Србија на годинашното издание на Евровизија, шеговито сподели дека роденденот го слави во еден парк во Белград, каде што очекува подароци од своите обожаватели.

„Добар ден, би сакала да ви кажам дека денес го славам својот 44. роденден. Јас сум во едно паркче и чекам подароци. Ќе биде најзабавно ако никој не дојде“, им порача Констракта на своите следбеници на Инстаграм.

 

View this post on Instagram

 

A post shared by @konstrakta

За среќа, Констракта има голем број обожаватели, од 7 до 77 години, па многумина застанале да ја поздрават и да ѝ го честитаат роденденот.

„Имаше деца, случајни минувачи, луѓе од јавниот превоз итн. кои дојдоа да ме посетат. Оваа ситуација траеше 44 минути, на мојот 44. роденден. Денес станав милионер. Од моја драга колешка добив подарок – картичка од милион духовни долари. Јас се чувствувам одлично, многу ми се допаѓа. Кога ќе добијам некој подарок кој не ми се допаѓа, јас се терам себеси да го засакам. Па не, сѐ што е од срце, може“, изјавила Констракта за „Блиц“.

„Им се радувам на родендените, иднината е стареење. Добив многу подароци“, додала пејачката.

Имено, за оваа прилика, Констракта повторно го облече својот бел костум со кој настапи на евровизиската сцена во Торино и го освои 5. место со песната „In Corpore Sano“.

 

View this post on Instagram

 

A post shared by @konstrakta