Српскиот пејач Никола Роквиќ пред две недели пеш тргна кон Грција до манастирот Нектариј Егински, со цел да собере средства за помош на детската онкологија.

Никола секојдневно ги известува своите следбеници за своето искуство и ситуации со кои се соочува за време на патот. Тој го започна овој подвиг за време на Великиот пост, а сега на вториот ден од Велигден на социјалните мрежи се огласи дека се покајал што јадел мрсна храна, вели дека сега му е многу потешко да трча во однос на претходните денови.

„За мрсната храна, ух… Огромна разлика, не знам дали е шок за телото, но навистина е тешко. Утре се враќам на стандардот – леб, путер од кикирики, мед или снегулки. .. Ова со мрсна храна е навистина тешко“, задишано вели Роквиќ во видеото додека трча.

Но, додаде дека пристигнал на половина пат од Грција, а досега за неговата фондација „Фамилија“ се собрани повеќе од 15 милиони динари.

„Денес, фала му на Бога, стигнавме на половина пат“, напиша тој.