Брат и сестра, близнаци од Канада, родени се во 22-та недела од бременост и со тоа влегоа во Гинисовата книга на рекорди, како најрано предвремено родени близнаци во светот.

Како што пренесе Би-би-си, Адија и Адриал Надарџах се родени во 126-тиот ден од бременоста. Да се роделе само еден час пред почетокот 22-та недела на бременост, лекарите не би ни пробале да ги реанимираат.

Целата бременост вообичаено трае околу 40 недели, што значи дека канадските близнаци се родиле 18 недели порано.

Шакина Раџендам, мајка на близнаците, изјавила дека почнала да се породува во 21 недела и петти ден од бременоста, а лекарите ѝ рекле дека шансите бебињата да преживеат се нула.

Таткото Кевин Надарџах изјавил дека во болницата во Онтарио им рекле дека нема да можат да им помогнат во толку рана фаза од бременоста. Имено, повеќето болници не се трудат да спасат бебиња што се родени пред 24-26 недели од бременост, но за среќа двојката била префрлена во болницата „Маунт Синај“ во Торонто, која има специјалистичко одделение за неонатална интензивна нега.

Happy birthday to twins Adiah and Adrial, new record holders for being the most premature twins 👨‍👩‍👧‍👦 pic.twitter.com/X2h5G5EQrZ

— Guinness World Records (@GWR) March 4, 2023

И покрај обилното крвавење, мајката издржала уште неколку часови за да влезе во 22-та недела од бременоста за да можат да реагираат лекарите. Близнаците сега имаат една година.