Еден убав гест го одблежа вчерашното ракометно дерби меѓу екипите на Еурофарм Пелистер-Вардар 1961. Имено, од Еурофарм Пелистер побараа од навивачите на полувреме да фрлат плишани играчки наменети за децата од ранливи категории. Целта беше да ги потенцираат вистинските вредности што се пренесуваат преку спортот. Теренот беше прекриен со плишани мечиња, кои пред празниците ќе завршат во вистински раце.

Овој гест Еурофарм Пелистер го најави и пред натпреварот, следејќи ги чекорите на шпанскиот фудбалски клуб Реал Бетис.

Во најголемото македонско дерби немаше победник, бевме сведоци на голема борба на теренот за секоја топка, првото полувреме заврши во корист кое го добија скопските „црвено-црни“ со 13:17, а во вториот дел подобри беа домаќините во кој беа подобри со 14:10, на крајот двете екипи ги поделија бодовите, реми на кое повеќе се радуваше Вардар.

Навредливите транспаренти не беа во центар на внимание

„Приберете си ги сестрите, ви ги помина цело Скопје!“, ова е дел од транспарентот што навивачката група „Комити“ го истакна во спортската сала „Боро Чурлевски“ во Битола за време на вчерашниот ракометен натпревар Еурофарм Пелистер-Вардар 1961. Тој покрена лавина реакции од активистки за женски права, кои бараат да се прекине со испраќањето омаловажувачки пораки за жените при препукувањата на навивачките групи.