Извртени, испреплетени, изврзани во јазли, каблите од кабелските оператори ги нагрдуваат бандерите, канделабрите, дури и столбовите на куќите низ населбите во Скопје.

Од овие импровизирани „гнезда“ по бандерите висат и стари кабли кои веќе не се во функција, затоа што во меѓувреме, без тие да се отстранат се прикачиле и нови.

Очигледно никој во градов не води сметка за естетиката кога е во прашање добар интернет и повеќе телевизиски програми, а ваквата пракса веројатно не им пречи ниту на граѓаните ниту на локалните власти.

Галеријата на фотографии на Методи Здравев е направена само на една улица во населбата Жданец, но истата слика се повторува во сите населби, особено во оние каде има семејни куќи.