ФОТО | Жизел Бундшен со срцепарателна објава се прости од својата мајка: Ќе те видам во соништата…
Мајката на познатата манекенка Жизел Бундшен (43), Ванија Ноненмахер, почина на 75-годишна возраст. Според бразилските медиуми, Ванија завршила во болницата Моињос де Венто во Порто Алегре.
Таа почина во неделата во болница по тешката битка со ракот. Жизел сега се прости од својата мајка со емотивна објава на социјалните мрежи.
„Возљубена мамо, ме боли што знам дека веќе нема да можам да те гушнам, но знам дека секогаш ќе пазиш на нас. Беше ангел на Земјата, секогаш им помагаше на сите околу тебе. Многу сум благодарна што сум твоја ќерка и што учев од тебе. Ти благодарам што си најдобар пример за љубов, сила, сочувство, храброст и благодат“, напишала манекенката со нивните заеднички фотографии.
„Засекогаш ќе ги негувам убавите спомени што ги споделивме и ќе живеам според вредностите што ме научи. Ќе живееш вечно низ многуте животи што си ги допрела. Ти благодарам што ми подари пет најдобри пријатели за живот. Твојата љубов секогаш ќе нè води. Ќе те видам во соништата. Те сакам“, додаде таа.
Инаку, покрај манекенката, Ванија имаше уште пет ќерки – Патриша, Рафаела, Грациела, Габриеле и Ракел.
Жизел Бундшен и Том Брејди се почастија со луксузен имот во „бункерот на милијардери“