Храбро, отчетно, одговорно и трпеливо да почнеме да се движиме во позитивен правец и да придонесуваме да се зголеми довербата во судството. Време е за интегритет, време е за одговорност. Ова е пораката на адвокатката Сузана Јошевска Анастасовска откако денеска со другата новоизбрана членка на Судскиот совет, вонредната професорка Арлинда Кадри – Шахиновиќ дадоа свечена изјава пред претседателот на законодавниот дом, Африм Гаши.

Јошевска-Анастасовска нагласи дека денеска дале изјава за лична одговорност и очекува дека заеднички ќе успеат од Судскиот совет да изградат силна институција.

– И чекор по чекор храбро, отчетно, одговорно и трпеливо да почнеме да се движиме во позитивен правец и да придонесеме да се зголемува довербата во судството. Време е за интегритет. Време е за одговорност – рече Јошевска-Анастасовска.

Собрание – Фото: Собрание

Смета дека треба да почнат со спроведувањето на новиот Закон за Судскиот совет и да ги донесат сите подзаконски акти, кои се поврзани со него.

– Сметам дека треба да почнеме да го применуваме новиот Закон за Судскиот совет, да ги донесеме подзаконските акти, кои се врзани со новиот закон, и натаму со нови сили да биде добра основа за градење силна институција – нагласи Јошевска-Анастасовска.

Кадри – Шахиновиќ не даде изјава за медиумите по свечената заклетва.

Претседателот на Судскиот совет, Александар Камбовски, им честиташе на новите членки. Потенцира дека тие се додадена вредност на Советот и оти институцијата ќе може да застане на здрави нозе и да ја остварува својата надлежна функција.

Двете нови членки беа избрани во Собрание мнозинство гласови на предлог на претседателката Гордана Сиљановска – Давкова, а на местото на поранешната претседателка на Судски, Весна Дамева и Миљазим Мустафа , чиј мандат истече. Сега преостанува да се изберат уште двајца членови чиј мандат истече.

Адвокатката Јошевска – Анастасовска и професорката Кадри Шахиновиќ се реформаторките кои ги предложи претседателката