Човек попладнево лежеше на асфалтот на пешачки премин пред скопската гимназија „Јосип Броз Тито“, откако се случил инцидент во сообраќајот, по што тој, според информациите, бил нападнат од неколкумина млади насилници.

Неофицијално, напаѓачите, за кои очевидци велат дека изгледале малолетни, го извлекле човекот од автомобилот и го претепале. По инцидентот, тој останал да лежи на пешачкиот премин и не можел да стане. Очевидците велат дека сцената предизвикала вознемиреност кај минувачите.

На местото е повикана екипа на Брзата помош. Засега нема информации за здравствената состојба на човекот.

Жена прегазена на улица во Карпош – возачот избегал, но полицијата го пронајде