Популарниот македонски поп-пејач Влатко Лозаноски, минатата година на 18 октомври стана татко за првпат. Тој и неговата партнерка му посакаа добредојде на својот син Марко.

Тие го чуваа во тајност раѓањето на бебето, а и месеци подоцна Лозано не објави ниту една фотографија од своето семејство и приновата, ниту зборуваше на оваа тема.

Една година подоцна, пејачот одлучи да сподели дел од својот приватен живот и на социјалните мрежи објави серија фотографии по повод првиот роденден и крштевката на неговото синче.

На дел од фотографиите може да го видиме дотераниот Марко со својот татко во Марковиот манастир, како и неколку фотографии од роденденската забавата декорирана со многу балони  и торта со мотиви на мечиња, авиончиња и детали инспирирани од патувања.

 

View this post on Instagram

 

A post shared by Lozano (@vlatkolozanoski)

Покрај овие фотографии, Лозано објави и досега невидени моменти од малиот Марко низ месеците каде уживал во времето поминато со својот татко на најразлични локации.

„Крштевка и прв роденден на нашата радост Марко. Биди ни секогаш среќен и од Бога благословен“, напиша Лозано покрај фотографиите.

Македонската јавност со години ја следи кариерата на Лозано, но пејачот успешно ја крие приватноста и сѐ уште нема откриено која е мајката на неговото дете.

Влатко Лозаноски стана татко! Пејачот и неговата партнерка добија син