ФОТО+ВИДЕО | Излезе календарот на Пирели за 2024: Сите модели се црномурести
„Пирели“ го претстави својот календар за 2024 година. Темата на новиот календар е безвременоста, а фотографиите се направени од фотографот од Гана, принцот Гјаси, пишува „Си-ен-ен“.
“Ако зборуваме за безвременост, мораме да ја редефинираме. Не е важно колку години имам, туку квалитетот на мојата работа. Важно е што Пирели избра уметник, а не само фотограф. Секој може да биде фотограф, но не може секој да биде уметник“, изјави 28-годишниот Принц за „Пејџ сикс“ (Page Six).
Годинешната постава на модели за календарот вклучува големи имиња како Наоми Кембел, Идрис Елба и Анџела Басет. За календарот беа фотографирани и Тива Севиџ, Маргот Ли Шетерли, Џејмес Самуел, Тејана Тејлор, Амоако Боафо и поранешниот фудбалер Марсел Десаили. Сите модели во календарот на Пирели за 2024 година се црнци.
Принцот Гјаси е еден од најмладите фотографи кои работеле за календарот на „Пирели“. Тој е познат по неговата импресивна манипулација со бои во неговите дела.
„Кога станува збор за боите, се работи за тоа како јас ги гледам и што претставуваат. Исто така, се работи за тоа што го гледам кога ќе го слушнам нивното име. Со Идрис, снимањето беше како снимање филм. Со Наоми, повеќе беше за тоа што се претставува како личност низ нејзиното патување, а не за бојата во која ја гледам.
Полесно ми е кога имам врска со нив. На пример, веќе сум поврзан со Наоми. Таа беше на мојата прва насловна страница на списанието. Идрис е како мојот постар брат, повеќето ги познавам. Ние сме како семејство“, објаснил Гјаси.
Инаку, Наоми четири пати се појавила во календарите на „Пирели“ – во 1987, 1995, 2005 и 2018 година. За календарот првпат позирала на 16 години.
Инаку, ова е 50-то издание на календарот на „Пирели“.